"कढी"

दोन वर्षांपूर्वी उत्तर अमेरिकेतील बृहन महाराष्ट्र मंडळाचं पंधरावं अधिवेशन शिकागोला करायचं ठरलं तेव्हा मी शिकागो रहिवासी होते आणि मुळातच उत्साही असल्यामुळे अधिवेशनाच्या तयारीत माझाही खारीचा वाटा उचलायचा प्रयत्न म्हणून मी लेखणी सरसावायची ठरवली. विविध विषयांच्या माध्यमातून मी अधिवेशानाचे आवाहन BMM Vruttaतून करीत असे. वास्तविक प्रासंगिक वाटणारे लेख माझ्या कल्पनेपेक्षाही लोकप्रिय ठरले. "बकुळफुले" वर ते लेख तसेच सदर करणे म्हणजे कदाचित शिळ्या कढीला उत आणण्यासारखे वाटेलही पण परत चुरचुरीत फोडणी दिलेली कढी जास्त आस्वादक लागते हेही खरंच आहे. मी काही निवडक लेख थोडे बदलून तुमच्या वाचनासाठी इथे पोस्ट करत आहे, बघा ह्या कढीची चव तुम्हाला कशी वाटते ते!