दोन कविता-

तुझ्यासाठी-

 

अश्या धुंद वेळी तुझी जाग येते कितीदा तरी मी शहारून जाते,

मोहरून गात्रे सैलावाताना मिठीची तुझ्या याद परतून येते!

कुशीच्या उबेची दिशा शोधताना अत्तराची तुझ्या पुन्हा झिंग येते,

मिटूनीच डोळे ओलावताना स्पंदनांची तुझ्या राजसी भूल पडते!

तरंगुनी डोहात सुखावताना मी तुझ्या नेत्री रात्रीस बोलावते,

असे काय होते कळेना मला म्हणुनी तुझा हात हातात घेते!

 

प्रेमात-

एक क्षण असा येतो काळजाचा ठोका चुकतो, परत येता भानावर तुझा हात हातात असतो;
दिवसाच्या एका वेळी असा काही भास होतो, अवती भवती सगळीकडे मला फक्त तूच दिसतोस;
एकंच एक विचार माझ्या मनात रुंजी घालत असतो,परत परत कसे आपण एकमेकांच्या प्रेमात पडतो;
मी काही न बोलता तुला हे कसं कळतं आणि प्रेमात पडल्यावर जग किती सुंदर दिसतं!